| 內容 | 每個小朋友成長旅程必睇：一齊尋找勇氣！
小梅同小熊對於要踏上未知嘅旅程都感到好不安，但火車逾時不候，時間唔等人，大家都要硬着頭皮頂硬上。戴上「勇氣帽」，唔會即時令你充滿勇氣，但我哋戴住佢學習面對不安，試吓努力尋找勇氣！
如果火車=未知，不如我哋鼓勵小朋友一齊戴住勇氣帽乘坐呢列火車！途中會經過黑暗嘅隧道，就好似成長過程會經歷無數次失敗、被責怪、失去⋯但只要咬實牙關面對，所有我哋曾經以為好大嘅問題，都會隨着火車前進而遠去，慢慢變得渺小。
望下隔離左右，原來好多人同我哋一樣都戴住勇氣帽！你未必見到頂帽，但其實大家都好努力去面對成長。抬頭望下個天，望下火車外嘅風景，原來呢個世界係值得我哋帶着勇氣去探索！ |
|---|
